Team India Squad Vs Sri Lanka Test Series : भारताचा सर्वांत 'अनलकी' क्रिकेटर! 22 शतक, 28 अर्धशतक... तरीही श्रीलंकेविरुद्ध निवडकर्त्यांना 'हा' X-फॅक्टर दिसलाच नाही

<p><strong><a href="https://marathi.abplive.com/sports/cricket/team-india-playing-xi-for-1st-sri-lanka-test-who-starts-in-galle-kl-rahul-shubman-gill-rishabh-pant-jasprit-bumrah-marathi-news-1433473">Sarfaraz Khan Team India Squad Vs Sri Lanka Test Series Update News :</a></strong> श्रीलंकेविरुद्धच्या दोन कसोटी सामन्यांच्या मालिकेसाठी 15 सदस्यांच्या भारतीय संघाची घोषणा करण्यात आली आहे. मात्र, या संघात 'इंडियन ब्रॅडमन' म्हणून ओळखल्या जाणाऱ्या सरफराज खानला स्थान देण्यात आलेले नाही. सरफराज खानला भारतीय कसोटी संघातून पुन्हा एकदा वगळण्यात आल्यामुळे क्रिकेट चाहत्यांमध्ये आणि तज्ज्ञांमध्ये मोठ्या प्रमाणावर नाराजी पाहायला मिळत आहे. डोमेस्टिक क्रिकेटमध्ये म्हणजेच रणजी ट्रॉफीमध्ये सलग दोन मोसमात 100 पेक्षा जास्त सरासरीने धावा करून सरफराजने आपली ताकद दाखवून दिली होती. तरीही निवड समितीने या उजव्या हाताच्या फलंदाजावर विश्वास दाखवलेला नाही.</p> <p><strong>संघातून बाहेर राहण्याचा सिलसिला कायम</strong></p> <p>शुभमन गिलच्या नेतृत्वाखाली भारतीय संघ सध्या एका नव्या बदलाच्या काळातून जात आहे. अशा काळातही सरफराज खानला वगळण्यात आले आहे. 2024 च्या अखेरीस संघातून बाहेर पडल्यानंतर तो सतत पुनरागमनाची वाट पाहत आहे. भारतीय संघात पदार्पण केल्यानंतर त्याने काही चांगल्या खेळी खेळल्या होत्या, तरीही मिडिल ऑर्डरमध्ये त्याला स्वतःचे स्थान पक्के करता आले नाही.</p> <blockquote class="twitter-tweet"> <p dir="ltr" lang="en">If Sai Sudharsan is subject to fitness, why hasn't Sarfaraz Khan been included? 🤔<br /><br />What are your thoughts on this <a href="https://x.com/vikrantgupta73?ref_src=twsrc%5Etfw">@vikrantgupta73</a> <a href="https://t.co/IKbVCF2yGl">https://t.co/IKbVCF2yGl</a></p> — Devesh Pandey (@devveshpandey) <a href="https://x.com/devveshpandey/status/2081993139141939565?ref_src=twsrc%5Etfw">July 28, 2026</a></blockquote> <script src="https://platform.x.com/widgets.js" async="" charset="utf-8"></script> <p><strong>2025-26 च्या रणजी मोसमातील कामगिरी</strong></p> <p>2024-25 च्या बॉर्डर-गावसकर ट्रॉफीचा भाग राहिल्यानंतर सरफराजने आपल्या खेळावर आणि शॉट सिलेक्शनवर खूप काम केले. 2025-26 च्या रणजी ट्रॉफी मोसमात त्याने 7 सामन्यांमध्ये 53.62 च्या सरासरीने 429 धावा केल्या आहेत. प्रथम श्रेणी क्रिकेटमध्ये 62 सामन्यांमध्ये 5,114 धावा (ज्यात 17 शतके आणि 16 अर्धशतके समाविष्ट आहेत). यात 301 धावांची नाबाद सर्वोच्च खेळीही आहे. कसोटी क्रिकेटमध्ये भारतासाठी आतापर्यंत 6 कसोटी सामने खेळले आहेत, ज्यामध्ये त्याने 1 शतक आणि 3 अर्धशतके ठोकली आहेत. सर्व फॉरमॅट मिळून (प्रथम श्रेणी, लिस्ट-ए आणि टी-20) त्याच्या नावावर 22 शतके आणि 28 अर्धशतके नोंदवलेली आहेत. (ज्यात लिस्ट-ए मध्ये 3 शतके व 2 अर्धशतके आणि टी-20 मध्ये 1 शतक व 7 अर्धशतके आहेत).</p> <blockquote class="twitter-tweet"> <p dir="ltr" lang="en">🏏 Ranji Trophy rewards consistency.<br /><br />Test selection should too.<br /><br />• Sarfaraz Khan<br />Highest run scorer in the Ranji Trophy.<br /><br />• Auqib Nabi<br />Highest wicket taker in the Ranji Trophy.<br /><br />Yet neither finds a place in India's Test squad.<br /><br />So what is the real selection criteria?<br /><br />If... <a href="https://t.co/jioG9nbU9P">pic.twitter.com/jioG9nbU9P</a></p> — Bhavesh Gujrati (@Bhaveshlivelife) <a href="https://x.com/Bhaveshlivelife/status/2082010413840122283?ref_src=twsrc%5Etfw">July 28, 2026</a></blockquote> <script src="https://platform.x.com/widgets.js" async="" charset="utf-8"></script> <p>फिटनेसवर कठोर मेहनत</p> <p>भारतीय संघात असताना सरफराजच्या फिटनेसवरून बरेच प्रश्न उपस्थित केले गेले होते. या टीकेला उत्तर देण्यासाठी संघातून बाहेर पडल्यानंतर त्याने आपल्या फिटनेसवर प्रचंड काम केले. अवघ्या 2 महिन्यांत त्याने तब्बल 17 किलो वजन कमी केले. सध्या तो पूर्णपणे फिट आणि स्लिम दिसतो. फिटनेस सुधारल्यानंतरही निवडकर्त्यांनी त्याच्याकडे दुर्लक्ष केले आहे.</p> <blockquote class="twitter-tweet"> <p dir="ltr" lang="en">Feel for Sarfaraz Khan, he has once again been left out of the Test squad. He was dropped from the team last time without any clear reason. Since then, he has worked very hard and done everything he could, but he has once again been ignored for the Test series against Sri... <a href="https://t.co/otHNemRF6D">pic.twitter.com/otHNemRF6D</a></p> — Rushiii45 (@rushiii_12) <a href="https://x.com/rushiii_12/status/2081985339250573822?ref_src=twsrc%5Etfw">July 28, 2026</a></blockquote> <script src="https://platform.x.com/widgets.js" async="" charset="utf-8"></script> <p><strong>आशियाई उपखंडात 'एक्स-फेक्टर' ठरला असता?</strong></p> <p>उपखंडातील फिरकीला अनुकूल असणाऱ्या खेळपट्ट्यांवर भारतीय फलंदाजांच्या फिरकीविरुद्धच्या क्षमतेवर अनेकदा प्रश्नचिन्ह उपस्थित केले जाते. सरफराज खान हा स्पिन गोलंदाजी अतिशय उत्कृष्ट पद्धतीने खेळतो. विशेषतः स्वीप शॉट्सचा वापर करून तो फिरकीपटूंना सहज बॅकफूटवर ढकलतो. अशा परिस्थितीत श्रीलंकेविरुद्धच्या या मालिकेत तो भारतीय संघासाठी एक 'एक्स-फेक्टर' आणि महत्त्वाचा खेळाडू ठरू शकला असता, परंतु तरीही त्याला संधी नाकारण्यात आली आहे.</p> <p><strong>श्रीलंकेविरुद्धच्या कसोटी मालिकेसाठी भारताचा संघ- (Team India Squad vs Sri Lanka Test Series)</strong></p> <p>शुभमन गिल (कर्णधार), केएल राहुल (उपकर्णधार), यशस्वी जैस्वाल, ऋषभ पंत (यष्टीरक्षक), साई सुदर्शन, ध्रुव जुरेल (यष्टीरक्षक), रवींद्र जडेजा, कुलदीप यादव, मानव सुथार, जसप्रीत बुमराह, मोहम्मद सिराज, प्रसिद्ध कृष्णा, गुरनूर ब्रार, देवदत्त पडिक्कल, सारांश जैन.</p> <blockquote class="twitter-tweet"> <p dir="ltr" lang="en">India's squad for the Sri Lanka tour is out, and once again, there's no place for Sarfaraz Khan.<br /><br />Even Unfit Sai Sudarshan has been picked ahead of a player who has consistently delivered in domestic cricket. Sarfaraz has done everything asked of him, yet he continues to be... <a href="https://t.co/DoNL27REkM">pic.twitter.com/DoNL27REkM</a></p> — Soman. (@Shreyasian96) <a href="https://x.com/Shreyasian96/status/2081951541746135327?ref_src=twsrc%5Etfw">July 28, 2026</a></blockquote> <script src="https://platform.x.com/widgets.js" async="" charset="utf-8"></script> <p><strong>हे ही वाचा -</strong></p> <p><strong><a href="https://marathi.abplive.com/sports/cricket/team-india-playing-xi-for-1st-sri-lanka-test-who-starts-in-galle-kl-rahul-shubman-gill-rishabh-pant-jasprit-bumrah-marathi-news-1433473">India playing XI for 1st Sri Lanka Test : श्रीलंकेविरुद्धच्या कसोटी मालिकेसाठी भारताचा संघ जाहीर; पहिल्या सामन्यात अशी असेल टीम इंडियाची संभाव्य Playing XI</a></strong></p>